上禮拜之花旗股市受壓，道指跌咗162點，噚日港股大幅低開已經預咗，咁啱碰上內地股市大幅下滑，恒指嘅跌幅試過擴闊到超過500點，收市跌幅雖然略為收窄，不過投資情緒仍然偏淡。
技術上港股喺支持水平，外圍造番好，有機反彈，不過靠近阻力位都唔係咁易破關，短炒只宜小注。
招行C輪21728：招行（3968）昨收17.56元，跌3%。股價之前試250日線之後反彈，噚日又試番呢條線，十字星收市，反彈睇19.2元，可以買C輪21728，隻輪現價13仙，2010年12月30日到期，行使價20元，溢價21.3%，引伸波幅38.86%，有效槓桿率5.37倍，正股見19.2元，21728睇20.5仙，正股跌穿16.8元就沽咗隻輪。
俊樺