雖然五區公投投票率較原先預計的兩成半至三成低，但公、社兩黨的總得票高達46萬票，較兩黨在08年立法會選舉多出了10萬票。有社民連成員分析，今次公投中支持兩黨的46萬多票，可視為泛民的「基本盤」，2012年立法會選舉時能否將兩黨額外取得的10萬票，成功吸納為他們的支持者，將左右泛民主派政治版圖的關鍵。
有社民連中人形容，今次投票支持公、社兩黨的46萬多票，可視為泛民的根本票，「08年投畀泛民90萬票入面，呢46萬票可以話係泛民根本票，即係打住泛民政治旗號，就算個選舉完全冇宣傳，佢哋都會出嚟投票。」今次未有投票的40多萬名泛民支持者，則屬個別泛民成員的地區支持票，「即係佢哋真係跟人、跟政黨，唔係話叫佢哋投邊個民主派就投邊個。」
從其他黨吸逾10萬票
今次支持公、社的46萬人，基本上都是忠實、堅定的泛民支持者，對兩黨來說，他們有條件將五區公投中從其他泛民政黨吸納的逾10萬新票，轉化為他們的支持票，「好似社民連咁，佢哋喺九西、九東、新西夾埋增加咗近8萬票，呢啲票可以畀社民連吸納；若果社民連多咗呢啲票，對2012年選情一定有影響。」有泛民中人更估計，這些選票可以影響泛民2012年立法會議席的分配。
不過也有泛民中人擔心，公、社兩黨獲得46萬多票，既然是泛民的根本票，也即是泛民的「底牌」，「家等於話畀人知，我哋90萬票入面，有幾多鐵票，有幾多係因為泛民地區工作得嚟支持票，只要個區議員唔選，係可以畀人搶走，咁建制派可以睇住嚟搞選舉部署。」
本報記者
公、社兩黨兩次立法會選舉得票比較
港島區
2008年：92,802 2010年：103,564 增幅：11.5%
九龍西
2008年：54,812 2010年：60,395 增幅：10.2%
九龍東
2008年：67,964 2010年：82,066 增幅：20.7%
新界東
2008年：84,720 2010年：108,927 增幅：28.6%
新界西
2008年：60,092 2010年：109,609 增幅：82.4%
總得票
2008年：360,390 2010年：464,561 增幅：28.9%
資料來源：選舉事務處