「大專2012」五位候選人無懼中央打壓，決心參加五區補選協助啟動公投運動，初生之犢勇氣可嘉。咪以為佢哋「預輸」就好他條，查實不知幾忙，好似新界東候選人周澄咁，日日都落區宣傳，希望市民無論支唔支持五區公投運動都好，至少去票站投一票，佢媽媽岸西都透露阿女未做畢業論文，證明犧牲好大。
與曾浚瑛已甩拖
周澄雖然年紀輕輕，民主熱度卻極高，有人誤以為佢04年已經在新界東幫當時嘅泛民主派鑽石名單「71連線」助選，周澄噚日澄清冇咁嘅事。人紅自然多人留意，有報道仲話佢現時男友係社民連第二屆行政委員曾浚瑛，但八方據聞佢哋已經甩拖。