鄭伊健昨日以鄰舍大使身份在何文田出席「齊心划槳賀端陽2010誓師儀式暨抽籤日」記者會，伊健去年亦以大使身份和一班特能人士參加龍舟比賽，並擔任龍舟鼓手帶領隊員勇奪冠軍，但今年他因要到內地登台及準備演唱會工作，應無暇參加龍舟賽事。
「電影圈搵到錢」
最近彭氏兄弟被偷影到澳門的賭場耍樂，而且所持的籌碼高達萬元，伊健到澳門開騷，也事先張揚或會入賭場拉角子老虎機，他說：「去澳門賭錢冇乜嘢，證明電影圈搵到錢，但係賭成萬蚊我就唔捨得，通常都係玩老虎機多，曾經試過喺美國玩角子老虎機贏幾百蚊美金，我對賭麻麻哋，朋友教話只玩三鋪輸贏都走，輸咪當行過跌咗，就算俾人影到相都冇事，過18歲入賭場賭錢合法。」伊健表示到時父母都會去澳門捧場，打算多留兩天陪雙親吃喝玩樂，女友蒙嘉慧因在內地拍電視劇無緣同行。
採訪、攝影：魯萍、仇志德