菜園村等保育議題令政府元氣大傷，尖沙嘴碼頭巴士總站將是下一個炸彈。曾任職旅遊業的Jacky一向「搵食第一」，直至發現政府鬼祟刊憲進行遷拆尖碼巴士站前期工程，氣上心頭，才站出來保尖碼、撐公投。他深信公投可震懾當權者，令雙普選更快降臨；只要政府順從民意搞好保育，旅遊業才有望復蘇。
投票畀佢 係因為驚咗佢
在旅遊業打滾10年的Jacky見證行業興衰，最後轉行，「望住利潤一路跌到嚇死人」。九十年代末，國泰航空帶頭削減旅行社機票佣金，是旅行社業界萎縮的導火線之一。當時的旅遊界議員楊孝華正是國泰高層，「咁多年來，佢從來冇幫過我哋。旅行社老闆投票畀佢，唔係因為撐佢，而係因為驚咗佢。」
香港旅遊業策略十多年來一成不變，都以國際都會、購物天堂硬銷。Jacky指出，這正是一沉不起的主因，政府愛「食老本」，楊孝華又未能有效反映業界意見，「啲官脫離民情。香港人放假都去泰國、日本shopping，仲話香港係購物天堂？死得啦。」
畸形政制 影響小市民生活
現在外國遊客來港不會行商場，偶爾替朋友駕駛旅遊巴的Jacky說，熱門旅遊路線是從中環坐天星小輪到尖沙嘴碼頭，在巴士總站坐雙層巴士到旺角，逛女人街後上旅遊巴回酒店。他認為，政府把巴士站改建成露天廣場，與吸引旅客之目的背道而馳。運輸及房屋局早前刊憲宣佈在廣東道及梳士巴利道建迴旋處，Jacky最初不以為意，朋友提醒才發現這是拆尖碼巴士站的前期工程，「真係卑鄙無恥，如果個特首係民選，啲官做嘢點會咁鬼祟？」
Jacky自發設計公投傳單，向市民解釋公投與「搵食」息息相關，「畸形政制直接影響小市民生活。要踢走功能組別，遊行人數唔作得準，簽名運動又話可以重複，公投最公道啦。」