「大專撐公投聯盟」在各大學巡迴擺放裝置藝術「觀/釋．囚」，用鳥籠象徵窒礙社會發展的功能組別，大學生「可樂」扮演被欺壓的小市民，困在籠裏向途人大叫︰「救命呀！放我出嚟呀！」去年今日，他還是一個政治冷感的大學生，反高鐵抗爭徹底改變了他，今天他希望群眾走出囚籠，惟有踢走功能組別，「成日聽大人話我哋要做社會未來主人翁，點解唔今日即刻做呢？一人一票，投走不公義制度。」
反高鐵啟蒙 肯定群眾力量
可樂的表演慾很強，《城市論壇》上月討論政改方案，他特意穿西裝打呔出席，接受亞洲電視記者訪問：「講真，我係一個社會精英……誠邀劉慧卿同我一齊食咗呢嚿屎（指政改方案）。同05方案唔同，今次加入砂糖成份，所以呢嚿屎特別好食。」又高呼：「錢銀第一，民主第二！」逗得一班維園阿伯不知就裏，興奮齊叫。
22歲的可樂以前沒想過會如此投入公投運動，「以前睇到不公義嘅新聞，就同自己講，一個人，做得啲乜？對自己一票好灰心，投唔投政府都係做衰嘢，不如讀好書，入建制改變佢。」今年初反高鐵運動是他的啟蒙之旅，他想不到立法會因群眾壓力延遲表決，「以前個心態好唔要得，我重新肯定群眾力量。如果用短期結果睇，反高鐵係失敗，但長遠係成功，為社會埋下種子，將功能組別問題聚焦。」
「大專撐公投聯盟」今年初由志同道合的大學生自發成立。他們專攻網上低成本宣傳，為每名功能組別議員製作履歷表，上載facebook，出席率、發言次數一目了然。可樂每天瘋狂「洗板」，轉載公投資訊，又四處留言，「家大學生最多係話乜都唔知，扮中立。我就撩朋友傾公投，有人最後認同手上一票真係有力，諗住去投票。」
公投成敗？ 民主貴乎估唔到
民主路上，肯承擔的人太少。可樂希望每個港人透過選票出一分力，「如果個個都想搭民主順風車，爭取嘅人擔子只會越來越重。公投點算成功，好難講，民主最珍貴地方就係估唔到。」現在正值考試季節，可樂笑稱自己「捨命撐公投」，「都擔心成績，但我同朋友傾過諗過，讀到上大學，究竟為咗乜？我覺得咁樣做好值得。」