最近西甲兩大豪門巴塞同皇馬，就夾手夾腳想改革西甲，甚至搞個全新西超。我就梗係讚好，事關觀賞性，西甲絕不遜於英超，尤其呢幾季英超中下游球隊，好似保頓、史篤城等，啲波保守又悶蛋，西甲就有球味得多。
不過因為西班牙宗教同國民生活習慣問題，搞到開波時間夾唔到亞洲球迷，先至畀英超食晒亞洲市場咁滯；如果西甲改革，開波時間就一就亞洲，就啱晒我呢啲西班牙波擁躉。
西甲今周煞科，巴塞同皇馬都會喺周日提供貼士，唔再喺呢度講；馬略卡係今季小弟愛隊之一，球隊上下為咗踢歐聯，成季都好積極，今次主場對風流波愛斯賓奴，個[-1]主勝冇走雞。
牽牛
讓球主客和：馬略卡勝[-1]
心得：馬略卡鬥心壓倒一切
近5場往績：LWWWW