啱啱睇咗木村拓哉齣新劇《月之戀人》第1集，初步睇都ok，應該會追落去，但林志玲嘅演技真係有啲浮誇，仲有少少醜化大陸啲工廠女工。好在佢同另一個女主角篠原涼子，喺外形上同木村都幾襯，反而北川景子同佢3個就好似唔係好埋欄，唔知係年紀問題，定係我之前睇過《零秒出手》同《反轉豬腩是王子》有先入為主嘅感覺，認為佢同山下智久同埋谷原章介襯啲。今次北川演刁蠻千金，個角色極唔討好，對佢嚟講算係突破。
今晚好多場盃賽決賽，拜仁上個禮拜喺柏林奧運球場捧德甲聯，今次再喺呢個球場比賽，同不來梅爭德國盃。兩班波嘅人腳差唔多，不過拜仁好似「弗」啲，而且柏林奧運球場對佢哋好老嚟，就捧佢哋喺3冠王之路過第2關。
青蛙仔
主客和：拜仁慕尼黑勝
心得：柏林奧運球場係拜仁嘅福地
近5場往績：LLLLW