江若琳和陳鍵鋒近日合作拍無綫古裝新劇《洪武三十二》，昨日在將軍澳電視廣播城開鏡拜神時，各大傳媒就剛巧收到有人報料指江若琳和陳鍵鋒撻着，女方以姣功拗直男方，兩人更一支水兩份飲，又在微博耍花槍。
就此事向兩位當事人求證，江若琳聞言笑說：「咁搞笑？我當係宣傳咋，我絕對唔會同男仔一支水兩份飲。」對於被指拗直陳鍵鋒，江若琳說：「點解大家會質疑佢嘅取向？我覺得佢係正常，平時都好man。」
被嫌唔夠高
至於陳鍵鋒聞言則笑說：「咁嚴重，總之我嘅取向冇改變。」問到兩人有否發展可能？陳鍵鋒聲言嫌江若琳不夠高，不能好好「枕手」，但今次未有傳他和其他對手不和，陳鍵鋒笑言已覺很開心。
採訪、攝影：卓寶花