【本報訊】國際運輸業「大鱷」法國威立雅集團接手電車業務後，昨爆發勞資糾紛。資方疑因「慳水」於月初要求調動逾百名在電車廠內的木工及油漆等維修員工，到戶外維修路軌，工會代表指路軌維修需具備專業資格，擔心員工安全受威脅。工聯會權益委員會主任指，「無電工牌同焊接牌做呢啲工作對員工好危險，搵無相關技術嘅人燒焊路軌，燒得唔好可能會翻車，影響埋乘客安全。」
昨日逾40名員工於車廠西環總部門外抗議（圖）調動，勞資雙方及勞工處談判兩小時後，資方決定收回有關安排，改推行獎勵計劃鼓勵員工自願參與戶外工作，承諾為員工提供合適培訓，而參與通宵工作員工可得一倍半時薪的額外補貼。
李家皓攝