被指與黎明不咬弦的楊千嬅，昨日在灣仔舉行記者會，宣佈加盟同是林建岳旗下的華星唱片公司，會場以千嬅最愛的紫色佈置。
黎明負責發行
祝酒時有人不慎打爛酒杯，千嬅即開心謂落地開花富貴榮華，笑指記者會似婚禮。她透露簽約兩年，獲老闆給予很大自由度，她說：「合約冇限生仔環節，佢話人生當然包括生仔，多謝佢令我夢想成真。我喺華星出身，想喺度做到退休。」忙得沒空生仔的千嬅，笑言丈夫丁子高經常拿通勝看哪個生肖的嬰兒與自己夾。
問到舊老闆黎明有否祝賀千嬅，她謂：「我哋仍然係一家人，家佢會幫我嘅唱片發行。」至於林建岳似怕被記者問到感情問題，記者會後即失去蹤影，千嬅謂沒問太多，她說：「我哋係細路，負責親情部份，畀親情佢就夠。」
採訪、攝影：王連連