樸茨茅夫在告別英超前當然想贏番場，但以他們現時的狀態及實力，周六於溫布萊與強勢強陣的車路士爭英足盃冠軍，難矣。一於吼車仔[-2]「主勝」，撐他們成英足球史上第7支聯賽及英足盃雙料冠軍。
青蛙仔
球賽編號：星期六11
車路士vs樸茨茅夫（now671台直播）
22:00 15/05
如球迷不善忘，應記得溫布頓（米爾頓凱恩斯前身）、高雲地利及愛華頓均曾爆冷奪英足盃，故難免令人對樸茅有憧憬。事實上，樸茅早在去年年尾就對護級打定輸數，留力攻英足盃，於8強及4強更先後殺低伯明翰及熱刺。
溫布萊=杜奧巴福地
樸茅與法甲球會朗斯斟掂數，借將迪丹尼可上陣鬥車仔，而他們前線有這名科特迪瓦射手助陣，攻力確有提升；而主力如占士、莫高拿、奧哈拉及比基安尼等其實頗具級數，故即使是以包尾身份降班，實力並不如外間想像般差。
但不幸的是，樸茅今仗對手是新鮮出爐的英超冠軍車路士。車仔今季攻力強勁，杜奧巴、林柏特及馬隆達更有突破性演出。杜奧巴更於各項賽事共入36球，而溫布萊更是其福地，事關他在這個英格蘭主場共入5球，當中包括於上季決賽射入1球，協助球隊以2:1反勝愛華頓。另外，車仔隊長泰利周三於操練時受傷，一度傳他跖骨受傷，最後證實虛驚一場，今仗更可上陣；而有他與阿歷士洛里高扼守中路，防線更穩，並令林柏特及波歷克等專心策劃攻勢。
樸茅穩守戰術難擋
樸茅深明車仔攻力超強，料會採取穩守突擊戰術，不過車仔於歐聯16強被國米擯出局後，之後將不快發洩到其他球隊身上，10場比賽共入37球；其中包括於英足盃4強在溫布萊大勝維拉3:0，故今仗就算[-2]，亦照捧「主勝」。
賽制：若90分鐘打成平手，需加時30分鐘；倘若加時仍未分出高下，則以互射12碼決勝。
星期六11
車路士vs樸茨茅夫
半全場：主/主
盤口：車路士[-2]
讓球主客和：H主勝
3:0
花絮：A高爾若捧盃破紀錄
車路士雖然星光熠熠，但講到英足盃，最威嘅原來係啱啱喺季尾復出嘅後衞艾殊利高爾，因為只要車路士喺周六擊敗樸茨茅夫，佢就會成為歷來獲得最多英足盃冠軍獎牌嘅球員，有6面咁多。
花絮：肥安要睇齊維埃里
如果車仔捧盃，領隊安察洛堤將會成為歷來第2位捧英足盃嘅意大利籍領隊；而咁啱得咁蹺，首位捧英足盃嘅意大利領隊，亦係教車仔嘅，佢就係喺2000年帶領「藍戰士」捧盃嘅維埃里喇。
花絮：韋斯咸謀撬格蘭
老樸雖然篤定降班，但領隊格蘭同唔少隊中嘅球員一樣，都有好多球會吼，其中剛剛炒咗領隊蘇拿嘅韋斯咸，就有意向呢位以色列籍領隊招手。不過，老樸獅子開大口，向韋斯咸索價180萬鎊分手費；但格蘭就強調自己喺英足盃之後已同球會冇約，叫韋斯咸一個仙都唔使畀喎！
花絮：泰利老竇販毒罪成
車路士隊長泰利雖然右腳腳傷無礙，已經喺周四復操，不過佢嘅心情可能麻麻，因為佢爸爸泰德剛剛被法庭裁定販毒罪成，將會喺6月1日宣判。希望佢喺周六時可以忘記啲唔開心嘅嘢，專心比賽。