很多人迷信莊家開盤策略，我個人總將之放在最低位置，自己中長線追捧球隊，無特別理由，尤其有分頭不輕言放棄；小休假期歸來，股壇風雲色變，但追捧球隊勢頭卻走高。今周重心，放在日聯頭號目標、名古屋鯨魚禮拜送強豪鹿島鹿角3連敗，反擊莊家看扁。
小休個多星期，去到英國睇波，自由進入各大莊家的投注站大賭特賭，跳欄、平地賽馬及自己強項英國各級聯賽等賭盤任選。收穫最豐當然是上周六一早選定的黑池（4強附加賽首回合）。足智彩開主W僅2.1倍，去到英國大部份開8賠11（即2.375倍），甚少轉盤如香港馬會熱門越賣越熱，且因亞洲盤在當地非普及，個人索性將全部注碼放在2.375倍單W及作過關飛膽。呢場勝來帶點好彩，但仍不信黑池「咁勁」？剛過去周二次回合，大部份注碼傾向森林，結果黑池贏4:3，開多個「客其他」入決賽，服未？
樸軍[+2]我照捧
黑池決賽對我另一愛隊卡迪夫城是下周話題。今周推介，則是本欄擁躉皆知的名古屋鯨魚，博他們在禮拜日痛擊近期低沉的鹿角。上輪日本波冷風勁吹下，鯨魚照贏，但鹿角不能倖免熱倒；當大家以為後者可在周中亞冠盃反底，結果熱至1.4倍主W又輸，被南韓的浦項制鐵踢出局，信票數流向死得人多。今場鯨魚主場出擊，對手勢弱仍只開平手盤，看來莊家又會捉心理，引波友博高水的鹿角反底，主隊強陣蓄銳出擊，坐和望贏諒可做到。
周六博冷，捧樸茨茅夫[+2]「客勝」，不能視最後一戰的老樸為韋根在中立場任車仔魚肉；莊家熱捧車仔賠率如雞肋，我無懼博2.45倍的「客勝」，買注15倍W，博大霧而已。
今周推介：名古屋鯨魚（平）
近5場往績：WWWLL
蘋果波神
簡介：一分耕耘一分收穫，難得半夜睇波娛樂兼備，人生一樂也。捧愛隊可以好主觀，但若能客觀地從足球直播欣賞對戰雙方的表現，你會發現不少投注寶藏，啟發投注靈感。