日韓兩國世盃贊助商嘅宣傳開始湧現，但日本球衣贊助商A記最近推出嘅宣傳動畫，就惹來南韓不滿。
事緣A記日本分公司喺日韓友賽前，製作兩部動畫短片，並喺官網發佈，內容講述日本隊落後兩球情況，下半場連入3球反勝一支紅衫軍。雖然動畫中冇提及呢隊係南韓，但當中就多次出現咗代表日本嘅三咫鳥，同代表南韓嘅老虎打鬥場面，並且紅衫軍唯一出現球衣號碼是7號，屬於朴智星的號碼。由於紅衫軍球員被畫到面目猙獰，猶如魔鬼般，日本球員就非常正氣，所以連A記自己南韓分公司都對動畫不滿，有醜化南韓國家隊之嫌，最後要刪除以平息風波，家只會睇到中村俊輔罰球篇動畫。推介方面，博大阪櫻花同神戶勝利船開「大」。
戰鬥員A
入球大細：大阪櫻花大
心得：兩隊後防都有漏洞
近5場往績：WWLLL