呢個月小妹要大出血，三間百貨公司同月舉辦Crazysale活動，兩折互撼。先施率先出招，19日至24日期間全場勁減低至兩折，好似Peregal女裝披肩原價499元，兩折賣99元。佢哋又每日推介超值貨品，日日唔同，不過部份限量發售，好似首日推介嘅Montagut男裝短袖Polo恤半價，每店限售15件。
可以上網搵心水貨
本身係先施VIP顧客，或者係建行信用卡嘅會員仲有額外優惠，好似啲家品、旅行用品折實後再有九五折。買滿指定金額仲有現金回贈。想知多啲可以打熱線：28301016問吓。
崇光百貨喺21日至30日舉行感謝周年慶，男女服飾、皮鞋手袋、護膚及化妝品、童裝玩具、家電、廚具等，都係低至兩折起。有興趣可以上佢哋網址 http://www.sogo.com.hk，搵定目標出擊。各位姊妹記住留番啲彈藥，沙田一田百貨緊接喺27日至31日舉行「一田購物優惠日」，都係兩折起，貨品主打旅行用品，同埋睇世盃一族嘅飲品食品。下周一佢哋會喺網站http://www.yata.hk登「超筍貨攻略指南」，教人掃貨。
電郵：mailto:[email protected]