近日閱罷報紙頭條，總係難以釋懷，睇到嘅唔係醫療失誤，就係有人公然講大話，做過傷天害理事死撐唔認。當然，我為人老竇，最感觸仲係嬰孩餓死嗰單新聞。
天呀！又唔係戰亂，完全想像唔到呢種事會發生喺文明嘅香港。唔珍惜小生命嘅大人必受罰，不值一談；我只係諗小生命降世幾個月，受完苦痛後打個轉就離開。我想知呢個應該啱啱至識認人，眼仔睩睩嘅小生命，離開前會諗乜？食物、玩具，抑或係愛？
李安納度噚日終於落實，佢喺AC米蘭嘅「生命」即將完結，論今季成績，我覺得佢及格有餘，相信佢離任前最大心願就係踢場轟轟烈烈嘅好波，盡展巴西足球精髓，我希望係入球「大」騷。
藍鑽石
入球大細：AC米蘭大
心得：李帥臨別秋波必搶攻
近5場往績：WLLLL