楊秀惠、徐子珊及葉翠翠等，前晚到灣仔出席莎莎集團周年晚宴，各人皆悉心打扮，當中以徐子珊的低胸晚裝最性感搶鏡。雖然子珊表示已做足安全措施，但現場見她有離罩情況，幸未有走光。
楊秀惠感情穩定
楊秀惠就表示因為早上才知要出席晚宴，故只能匆匆找戰衣上陣。提到有報道指她做三陪女友，陪男友食飯shopping等，楊秀惠笑說：「係啲字眼想吸引人啫，我哋冇乜嘢唔見得光嘅事，啱啱我哋正式拍拖兩個月，大家都見過家長。」是否已視男友為結婚對象？楊秀惠說：「唔可以咁講住，但絕對係一個唔錯嘅男友，佢都好支持我做藝人。」
此外，問葉翠翠是否趁機認識男朋友？她反問：「識唔到喎，我都成日出席呢啲活動，但通常男仔都唔敢埋身。」
採訪、攝影：張俊銘