鄭大班愛犬Kobe上星期喺山頂走失，大班牽腸掛肚成個禮拜，發散人四出搵狗兼出重酬，皇天不負有心人，主人與狗前晚終於團聚。大班噚日違反交通條例嘅官司又冇事，真係雙喜臨門。
Kobe回家情節幾特別，早幾日有個女士喺九龍城公園放狗，發現內有柴犬，見隻狗咁精靈，就抱返屋企，兩日後帶去何文田一間寵物店；巧合地呢間寵物店正是大班買Kobe嗰一間，寵物店知道大班唔見咗Kobe，核對隻狗身上晶片後，知道係大班隻Kobe，即時通知主人。大班前晚喺九龍城領回Kobe。
點解Kobe會由山頂去到九龍城呢？大班話只要Kobe安全返屋企，佢唔計較咁多咯，薄酬1,000元予該女士，好多謝佢咁話。