講到成功減肥，點都要講我老死Dorinne。10年前仲係中學生時，她5呎2吋，腰圍30吋，體重130磅，唔少男同學都會笑佢。為挽回信心，佢成日搵減肥方法。會考時，我哋有一段長時間無見，聽人講佢同我一樣原校升讀，點知新學期第一日，有人拍我膊頭，以為新同學，原來係Dorinne，佢足足瘦咗幾個碼！有句話好深刻：「我3個月減咗足足20磅」。嘩，原來佢放假時睇好多減肥餐單，覺得蘋果有澱粉質可飽肚，乳酪就強化腸臟機能，又會對皮膚好，就自創一個為期半年嘅減肥餐單，然後跟住食，令體重由130磅減至98磅，且長時間唔反彈，好厲害。我立即跟住食，結果，係就係瘦咗，但有負作用，係咩呢？聽日繼續。
首三天：每天三餐，每餐一個蘋果。
第四天開始：三餐蘋果外，下午茶及消夜食乳酪，每星期游水一次。
三周後開始：隔日一次早午晚三餐其中一餐改吃米粉，配瘦肉和菜，其餘時間繼續吃蘋果。
第三個月：一餐蘋果+乳酪、一餐米粉＋瘦肉、一餐白灼菜，維持一個月。
第四個月：重新開始吃飯和麪包，第三個月的餐單則隔日進行，直至半年後逐步完結。
（蘋果減肥法二之一）
AngelaFatty：天生葫蘆身形，體重最高峯達200磅，曾以不同減肥法減去90磅，累積唔少減肥心得。