黃家強和張繼聰等昨日於尖沙嘴文化中心出席「國際綜藝合家歡」記者會，家強被問到可知黃貫中（Paul）日前與女友朱茵食飯時狗仔隊偷影而報警一事，家強說：「我知佢好嬲，喺Facebook睇到佢好嬲，香港係咁，成日都會有狗仔隊跟，我自己都慣晒。咁我又冇乜嘢可以俾人寫衰，我行得正企得正一個普通人。」可有致電慰問阿Paul？家強表示未有。
Paul寫Blog發火
Paul與女友朱茵前晚被偷拍後，他昨日近凌晨時分即開blog大鬧狗仔隊，他說：「唔出聲不代表我怕你們，你有你支筆，我亦有我支筆，雖然我只得一人，但我不會怕。」他又說：「近十多年來我已經忍夠，今天40幾歲的我還有甚麼要怕，尤其講真話的時候『有甚麼要怕。』」最後他重申為愛而開火，「我自己沒所謂，但我所愛的人受到傷害的時候，我絕不會坐視不理！」
採訪、攝影：王崇穎