內地日前公佈4月份經濟數據，有大行認為未來幾個月大陸CPI將漸趨上漲，好似中銀國際發表報告預計，CPI增速將於8月前後達到今年高點，超過4%；近日市場又再掀起人民幣升值風聲，只係幾時發生，各種講法莫衷一是。
按以往經驗，人民幣多數都係趁大家唔為意之下升值，家陣歐洲債務危機威脅已減，相信人民幣升值進程好快將會啟動。人民幣升值，或者內地加息都唔一定利淡股市；而且港元相對越見便宜，內地人來港買乜都抵過人，各類資產更見吸引力。
中電新能源（735）去年純利1.53億元，按年大幅增長13倍，每股盈利2.17仙，不派末期息。公司計劃未來幾年內將權益裝機容量由現時861兆瓦，大力提升至1900兆瓦；此外亦會重點發展清潔能源發電業務。該股上月底升至一年高位1.02元，隨後即見調整，累跌已逾兩周，惟期間成交漸次萎縮，回吐已近尾聲，昨升2.4%收報0.87元，不妨伺機跟進，短線以重返上月高位作目標。
方星俠