中國影壇盛事、第13屆上海國際電影節，將會喺下月12日至20日舉行。電影節組委會前日就喺上海舉行記者會，宣佈由大導演吳宇森擔任今屆主競賽單元—金爵獎嘅評委會主席。吳宇森身為電影《劍雨江湖》嘅監製，聽聞佢到時仲會帶埋戲中演員楊紫瓊、林熙蕾、鄭雨盛等一齊行紅地毯㖭，到時肯定星光熠熠啦！