謝婷婷、丁子高、汪圓圓與汪詩詩昨日出席在銅鑼灣舉行的Kiehl's慶祝6周年的活動，又再榮升姑姐的婷婷甫到埗即成為焦點，婷婷表示阿嫂張栢芝很精神，哥哥謝霆鋒就笑容滿臉，她說：「我都係第一次見咁細個嘅BB，家仲未有名，我負責照顧Lucas，唔好畀佢有受冷落感覺。」婷婷表示Lucas知道細佬出世都好開心，問到會否羨慕阿哥有小朋友，婷婷搖頭說：「冇諗過，玩人哋嘅小朋友就OK，要我湊十幾年真係唔知有乜反應。」
此外，早前楊千嬅被誤指流產，老公丁子高提及此事說：「千嬅都講晒，最唔好係嚇親我阿媽，阿媽都打嚟問我乜嘢事。」
千嬅趕生兔仔
丁子高表示雖然恨生仔，但都要遷就千嬅的工作檔期，他說：「我最想生隻兔仔，到時睇吓盡唔盡到力喇，之後千嬅有劇本，我都會話唔好睇，叫佢唔好接。」
採訪、攝影：胡比