溫碧霞（Irene）接拍了內地化妝品廣告，日前她在廣州出席簽約儀式和拍攝廣告，她說：「個化妝品叫誘惑，聽到個名覺得好搞笑，以為要着性感衫，點知個老闆話個名係噱頭，唔使性感，反而要求我要擺出誘惑表情。」
今年Irene已經接了10個廣告，包括家電、家具、化妝品和浴室用品等，她說：「基本上全身同家居用品都有廣告，第時搬屋可以唔使買家品，連水龍頭都有贊助。」
豬籠入水
Irene續說：「月底會再拍一個內衣廣告，第一次拍內衣廣告，除咗酬金好吸引外，我覺得啲款式仲好靚，所以唔介意拍，之前考慮咗好耐，而且問准老公拍唔拍得先接，老公睇過內衣款都接受到。」她月底又會到福建為一間新戲院擔任剪綵嘉賓，密密搵錢，豬籠入水。
撰文：魯萍