國泰航空（293）「生招牌」陳南祿，過檔恒隆地產（101）成個香港都知，佢正式lastday應該係7月1日。不過路邊社消息透露，扣埋啲假期，祿哥原來今日lastday！咁啱國泰同太古呢兩日舉行股東會，祿哥都無蒲頭。都啱嘅，個心已經離開，留番個肉體畀股東睇，咪盞大家尷尬。加上佢連包袱都已經執好，準備今日同呢間服務咗33年嘅機構講拜拜。
祿哥7月15日先到恒隆報到，即係話有兩個月悠長假期，如果係華華，就即刻彈出香港外遊休息番夠本，不過祿哥咁有江湖地位，應該大把人搵佢食飯farewell，唔知會唔會又乘機出番本食經呢？
李華華