【本報訊】民建聯一眾立法會議員繼續竄改67暴動歷史，或企圖為早前引起公憤的言論開脫，陳鑑林表明難以評定左派發動暴亂或要為此負責，更忽然拒認左派，自稱不屬於任何派別，以迴避傳媒追問。黃定光則指稱，日前稱商台播音員林彬當年死於社會暴亂是被誤解，反斥傳媒炒作；劉江華更胡扯是80後，稱對當年暴動無認知。記者：倪清江
於67暴動時譴責暴徒的商台播音員林彬，被人淋上汽油活活燒死，留下一句「左仔害死我」，近日因商台接受民建聯出資50萬元購買時段開設新節目進行政治宣傳，商台被指愧對林彬，黃定光及陳鑑林前日死撐，指林彬是死於社會暴亂，不應把責任推給左派。
陳鑑林昨日出席立法會一個會議後，表明拒絕收回有關言論，「我唔覺得噚日我哋講錯乜嘢喎！我只係講咗喺當時咁混亂情況下，會有死嘅人，唔係淨係佢（林彬）一個。」他多次指67暴動有其歷史背景，「林彬呢件事，我覺得大家唔使淨為一個人嘅死，而就講整件事只有一個人死。」
言論極左甚受器重
被問及民建聯被批評竄改歷史時，49年出生的陳鑑林卻稱暴動時年紀小，對事件不了解。對於左派是否有責任，他又忽然拒認「左宗」，「好難講，從我個人去睇，我不屬於任何派別，我只係好似一般香港市民一樣，去睇一件事件。邊個要負責，邊個唔要負責，可能唔係淨係睇一件事。」
記者追問他對67暴動與左派關係的意見時，陳繼續維護左派，「當然呢個係一個討論，淨係一兩句嘅對答，未必可以講得清楚。」對於是否認同暴動由左派發起，他依然稱不會簡單回應這問題。
88年踏足區議會的陳鑑林，觀塘民聯出身，是民建聯創黨成員，95年經選委會躋身立法局。有指他向來聽話，又肯為政府講話，因此獲兩任特首重用；他不在工聯會系統，言論更左，所以即使在觀塘與工聯會不協調，仍受中聯辦器重。
日前接受電台節目訪問時否定左派殺死林彬的黃定光，昨稱被人誤解，又大玩文字遊戲狡辯：「（主持）李慧玲係講話同工聯會楊光呢個鬥委會有關，我話嗰個左派同呢個左派，我諗唔會係嗰個左派（工聯會）啩！唔通當日係楊光殺死林彬？有件咁嘅事咩？我諗唔能夠（話）工聯會殺死楊光喎，（慌忙更正）唔係，工聯會殺死林彬喎。呢啲好無稽，我唔想再回應。」
50後劉江華扮80後
黃定光諉過傳媒將他擺上枱，「兩間報館炒作囉，都為5.16炒作，我墮入個圈套啫……我有乜言論要收回。」他要求警方尋回（殺林彬）真兇。
該黨另一議員劉江華昨早有準備，拒評論事件，出生於57年的他，更對一名80後記者稱「我同你差唔多（年紀）啫」，「我自己冇咁嘅資料、認知，我點可以有事實根據作出評論？」民主黨立法會議員張文光不認同是傳媒炒作，「唔係有人去挑起呢個傷心歷史，但亦都唔會去迴避呢段左派錯誤歷史。」他指在任何社會放炸彈傷害無辜市民，都不會獲同。
1967年左派亂港
