徐淑敏（Suki）昨日到鑽石山出席「天才小廚神訓練計劃」星級廚神活動，她表示甚少下廚，兩公婆經常外出食飯，她說：「我試過一次去咗學四個鐘煮牛膝畀老公食，點知佢食完話以前個廚師煮得仲好味，聽完之後都知乜嘢事喇，以後就唔煮。」Suki表示近日忙於湊女，囡囡更經常半夜三更哭，故昨晚只睡了兩小時。
大騷事業線
生完BB後Suki上圍升級了不少，昨日以性感打扮到場，即大騷事業線，她滿有自信說：「向來都勁o架喇！我又冇刻意去量過，不過我鍾意以前嘅身材多啲，太大唔好，好想變返以前咁。老公話點都會鍾意，不過有次佢飲醉酒之後同隻狗講，話我以前幾靚，家就肥晒囉，我唔介意，因為嗰時大緊肚。」
此外，Suki表示家姐未有報名參加今年港姐，因為家姐較怕醜，但身邊朋友均讚家姐比她靚，她說：「佢係高貴嘅靚，而我係甜美嘅靚。」
採訪：王崇穎
攝影：陳志嵐