【本報訊】五區公投進入倒數階段，立法會九龍西候選人、大專2012成員黃永志昨日傍晚在深水埗街頭「嗌咪」，呼籲市民投票期間，遭前線警員無理阻撓。有學生將現場情況拍下，上載至Youtube分享網站。片中所見警員態度囂張，公然表示：「香港法律好簡單，嘈就係唔得。」又指罵拍攝短片的學生：「警察做緊嘢，你喺度影，你採訪咩？」黃永志批評警員用處理蠱惑仔的手法對待學生。
名為《5.16呼籲：警察打壓小市民》的短片晚上在網上熱播。事件主角黃永志表示，事件發生在昨日傍晚5時許，當時大專2012成員在深水埗福榮街嗌咪，其間有兩名警員向他們問話，其中一人態度十分惡劣，有同學為了保障自己，拍下整個過程。
「你唔識法律返屋企睇」
片段所見，其中一名年輕男警員不斷指罵拍攝者：「你好唔尊重我哋，警察做緊嘢，你喺度影，你採訪咩，家?」拍攝者指不是影他，只是影街道，警員又扯火：「警察唔係隨便咁俾你咁採訪。」警員之後再說，「你呢種態度令到人好唔滿意，每一個人都唔滿意你喺度嗌，邊個人話俾我聽，人哋嘈會滿意o架？」
大專2012成員詢問警員香港法例哪一條禁止市民嗌咪，但囂張警員懶理，只說：「你唔識法律返屋企睇。」學生再三追問，他卻說：「香港法律好簡單，嘈就係唔得，呢條係噪音管制條例。」有網民不滿警員態度，指「俾人影住仲用呢啲態度，完全冇個人情緒控制能力，唔顧警隊形象。」
黃永志向本報表示，已向選舉事務處申請設立街站，當時並向警員稱願意將聲浪調低，但警員卻沒有理會，之後更召喚同僚到場，但其他警員了解事件後，並沒有阻撓。
警方發言人證實，昨午約4時12分，在深水埗桂林街接獲一宗噪音投訴。警員到場了解，勸喻負責人將音量調低，對方最後答允警方的要求。