繼陳可辛與陳德森同時搶拍《新獨臂刀》後，最近徐克與王晶同時計劃翻拍《新龍門客棧》，前者主角已定了周迅、陳坤與桂綸鎂，後者以謝霆鋒、張家輝與蔡卓妍掛帥。
徐克在92年重拍胡金銓的經典名作大受歡迎，想不到2010年，他又計劃再翻拍此部舊作，但今次是拍3D版，演員有周迅、陳坤與桂綸鎂等，但最搞笑是王晶也來湊熱鬧，準備開拍搞笑版，但因片名版權在徐克手中，故此王晶將片名改為《財神客棧》，演員陣容也不弱，有謝霆鋒、張家輝、蔡卓妍、佟大為與黃奕，兩片同期在下月中開拍。
家輝夥王晶搞笑
徐克即將開拍的3D版《新》片，請來荷李活專家處理3D鏡頭，製作成本逾億元，據悉劇情與92年版大同小異，至於王晶版會着重搞笑，記者昨日向他求證，他說：「我部戲其實唔係拍《新龍門客棧》，係叫做《財神客棧》，兩部戲唯一相同之處係同時以客棧做主景啫！故事內容絕對同徐克嗰部完全唔同，我哋嗰部係全新創作古仔，以搞笑為主。」
張家輝昨日證實接演了王晶這部新戲，他說：「同晶哥已經合作咗好幾部戲，大家默契好好，《財神客棧》應該同《新龍門客棧》冇乜關係，可以話係完全兩個故事嚟，之前我拍《線人》呢啲咁嚴肅嘅題材，家可以拍番啲輕鬆嘅戲都係好事，起碼冇乜壓力，而且晶哥好識照顧演員，拍佢嘅戲會好舒服。」
最近家輝迷上了上微博，每晚幾乎都有上微博與影迷聊天到凌晨兩點才休息，家輝昨日笑說：「啲影迷問咗我好多嘢，有時同佢哋互動吓先知影迷對我嘅睇法，呢排唔使開工先可以上微博傾偈，遲啲要開工就未必有時間上啦！」
採訪：葉雪
