賣地成績差，花旗股市又回吐，噚日港股大部份時間偏軟，投資者情緒仲係觀望，不過尾段買盤突然殺上，恒指扭轉跌勢，倒升65點收市，報收20212，睇走勢今朝港股可以繼續升。
金價越升越有，技術走勢靚，金股可以留意。歐洲債務危機困擾思捷（330）好耐，今次嘅反彈幅度會唔細，可以敲啲C輪。
思捷C輪19781：思捷昨收53.8元，升1.89%。股價連升3日，破咗10日線，短線睇56.5至58.3元，可以諗吓隻C輪19781，隻輪現價28.5仙，2010年12月13日到期，行使價68.88元，溢價33.33%，引伸波幅45.75%，槓桿率8.8倍（有效5.46倍），正股升上58.3元，19781睇42.9仙，升幅5成，如果正股跌穿51.5元就沽咗隻輪。
俊樺