楊千嬅昨日出席在北角舉行的手機發佈會，談到有周刊指千嬅在微博上哭訴流產一事，她說：「我睇完之後都覺得好嬲，我只係轉發《我真的受傷了》嘅歌詞分享吓文筆，我會用周刊名義捐錢，幫佢哋做善事『戥番勻』，我會平和嘅心情去面對，呢啲係我老公教我。」千嬅強調說：「我唔明白點解咁關心我啲後代？我家未有BB，今年搞完香港嘅演唱會，跟住又會去美加、澳洲同內地巡迴，又會拍一部戲，我諗未有時間生BB。」至於丁子高有否詐型？千嬅則說：「唔會，佢冇乜所謂，家乜嘢年代呀？」
莊思敏惡鬥o靚模
此外，莊思敏表示今年書展推出旅遊書，問到她有否擔心會與o靚模鬥？她說：「冇得驚，成個書展都係波波池，有人買自然會有人出，不過我都唔明家啲風氣，將來唔知點教啲仔女。」以留鬚形象示人的張繼聰，就避談有否被太太謝安琪投訴「拮嘴」，他尷尬地說：「好忙喎，佢哋係話冇『拮眼』，反而囝囝覺得好好奇。」
採訪：何慧斯
攝影：陳順禎