東涌地皮險告「流拍」，要勞煩拍賣官再三警告收回，才有發展商舉牌！發展商存心要地，又使乜拍賣官係咁「催銷」？今次賣地成績，好明顯反映香港樓市已遭打殘，樓市拖累股市，影響經濟層面環環相扣，香港人只會自食苦果。
中證監稍前已簡化本港創業板掛牌H股轉往主板上市程序，配合港交所新例，市場已憧憬後市將湧現國企H股轉板潮，一眾早具條件可轉主板的嫌疑股份料必惹追捧；其中04年上市的天津天聯公用（8290），過去三年均有盈利紀錄，09年度營業額及純利分別升46.4%及9.7%，達3.18億元人民幣（下同）及6637萬元。
天津天聯上市後，母公司天津燃氣多番注入燃氣資產，最近一次打補針係去年10月，公司以總代價6.2億元向母公司收購燃氣資產，目前客戶數目已超過40萬戶。是次注資收購完成後，集團持有母公司約30%資產，轉往主板上市後，下一目標就係三年內完成整體上市。「錢」景看俏，現價可買，先睇2.5元。
方星俠