由回歸前嘅立法局，到回歸後立法會，每年六四前泛民都會提出辯論平反六四議案，今年可能要失守，因為民主派連續多次抽籤，都抽唔到在5月份立法會星期三例會上提出平反六四辯論，今個星期六係最後一個「餐士」，當日抽籤6月2日例會辯論題目，如果泛民再失手，即係今年六四21周年前，就唔會有平反六四辯論。
民主黨何俊仁4月起已入紙抽籤喺5月辯論平反六四，可惜手氣十分差，連續四次落空，其他泛民都慨嘆仁哥真係黑仔，所以張文光、湯家驊都出動，希望增加中籤機會，然而建制派議員都可能入紙抽籤辯論其他議題，變相攤薄民主派中籤機會。