剛過去星期日自由黨田北辰要出席《城市論壇》講樓市，帶埋自己友「黃衫軍」對抗維園阿哥「紅衫軍」，其間有「紅衫軍」指摘自由黨人爆粗問候其母親。自由黨噚日大反擊，港島區支部主席邵家輝同當日有出席論壇嘅四名黨友一齊開記者會，播出事發片段，指無證據顯示有自由黨人爆粗，反而清楚睇到及聽到，喺論壇後方遠處，即係面向講台右方有男子以粗口鬧自由黨，佢話唔知該男子係乜誰，總之唔係自由黨員。自由黨好闊綽，呼籲若有任何人士能提出確實證據，指出當日邊一個自由黨員爆粗就有5,000元獎金，黨方亦必會嚴懲該名黨員。