花旗股市受歐盟救市嘅消息刺激，前晚大幅攀升，道指升超過400點收市，擺脫日前偏淡嘅情緒。
港股前日反彈咗506點，噚日並冇借住外圍升勢再炒上，A股走勢偏弱，晏晝又有官地拍賣，恒指喺觀望氣氛中回落，賣地成績較預期為差，競投氣氛唔熱烈，恒指下挫280點收市，短線支持位喺20000點。
中鐵C輪15738：中鐵（390）昨收4.99元，跌兩個位。股價反彈逼近10日線有啲阻力，但噚日調整幅度唔大，有機反覆上試50日線，破位睇5.7元，可以買啲C輪15738，隻輪現價7.3仙，2011年4月28日到期，行使價5元，溢價14.83%，引伸波幅38.84%，有效槓桿率3.87倍，正股見5.7元，15738睇11.8仙，正股跌穿4.7元就沽咗隻輪。
俊樺