歷史性打入周三歐霸盃決賽嘅富咸，可能再次受到冰島火山灰影響，要長征漢堡，對爭標造成一定影響。如果由英國飛去德國嘅航班仍然出現阻滯，富咸領隊鶴臣就要領軍搭成30個鐘頭長途車，去決賽城市漢堡，對佢哋嚟講，應該唔陌生，因為4強對漢堡時同樣要長征，但今次係決賽，休息唔夠好影響爭標機會。
身經百戰嘅鶴臣就向歐洲足協建議，既然對手馬體會因為要坐長途車提早起程，不如將決賽押後，咁樣兩軍都可以係最佳狀態下對決。不過，我求大俠就話鶴臣別有用心，皆因隊中兩主將杜夫同森莫亞都有傷，未必趕得切踢決賽，如果場波押後，富咸得益更大。