近日天氣時晴時雨，搞到五區公投陣營好緊張，若果星期日5.16天不造美，恐怕投票率大受影響，好彩惡劣天氣只係持續多一、兩日，根據天文台預測，5.16天氣放晴，公民黨陳淑莊噚日話，競選期踏入最後一周，希望呢個星期唔好再落雨，否則可能要搞啲嘢，要求太陽快啲出來。
拉票最後衝刺，陳淑莊家陣晨操晚練，朝早7點15分已落街呼籲市民投票，直到晚上8點天黑先收工，係人見到佢都話瘦咗最少一個碼，佢則話由於不斷彎腰派傳單，竟然練出多嚿腹肌，有此意外收穫，真係唔介意喎。
公、社兩黨前日推出「十八仝人撐公投」短片，不出兩日已有4萬幾人上YouTube睇，收視唔錯。