紐卡素成功回升英超之後，職球員及球迷都躊躇滿志，希望喺新球季幹一番事業。點知，新球季都未展開，紐記領隊曉頓就接到噩耗：下屆冇錢擴軍！原來，紐卡素剛公佈08/09財政年度報告，球會錄得3,770萬鎊（約4.5億港元）營運虧損，因此，球會定下5年計劃，要勒緊褲頭，希望到15/16財政年度時，可以做到收支平衡。亦因此咁，紐記肥佬班主艾殊利已經同曉頓講，呢個夏天冇錢買人擴軍，曉頓只可以向自由身球員同借將打主意。艾殊利仲話，雖然英超席位值6,000萬鎊，但紐記球員一季嘅人工，已經要4,000萬鎊，根本冇多少執喎！