歐盟緊急會議之後宣佈咗救市計劃，豪擲近萬億歐元成立基金支援歐盟成員國解決債務危機，市場即刻好似打咗支強心針，各地股市應聲反彈，港股升咗506點收市。
歐美股市噚晚大升收市機會好大，有利港股今日繼續炒上。滙控（005）噚日炒高5.6%，報收77.7元，睇嚟會試80元，內銀股應該跟住炒，可以諗吓工行（1398）啲C輪。
工行C輪22202：工行昨收5.68元，升2.2%。技術轉強，升破5.84元睇6.2元，可以諗吓隻C輪22202，隻輪現價21.8仙，2010年9月27日到期，行使價6.28元，溢價14.4%，引伸波幅35.2%，有效槓桿率8.2倍，正股升上6.2元，22202有機見40仙，升幅超過8成，如果正股跌穿5.5元，就沽咗隻輪。
俊樺