謝雪心同乖女珈穎噚日以母女檔喺工作中度過母親節，兩母女喺尖沙嘴出席《母親至愛品牌頒獎禮2010》，提到乖女，心姐話珈穎自細就好孝順，平時除咗畀家用，仲有禮物㖭，心姐仲話：「我自己都係21歲前將利是錢畀晒媽咪，所以佢都有樣學樣。」而心姐最難忘嘅母親節係珈穎細個時送咗一件親手造嘅番梘畀佢做禮物，佢仲話收到禮物先記得嗰日係母親節喎！