上月底憑《歲月神偷》奪得香港電影金像獎影帝寶座的任達華，11歲時任職水警的父親離世，從此任媽媽母兼父職，含辛茹苦將任達榮（前警務處副處長）和任達華三兄妹養大，故此母親節對華仔而言，是特別有意義，故華仔雖然忙於在內地拍攝電影，但也特地向劇組請假一天返港，與任媽媽、太太琦琦及岳母三個母親一起慶祝。
千嬅兩家齊賀節
昨晚6時半，華仔偕琦琦及5歲囡囡晴佳（Ella）現身萬宜大廈，一家三口在二樓等候任媽媽和親友抵達後，囡囡Ella便捧着鮮花代父親送給嫲嫲，逗得任媽媽開心不已。華仔日前接受訪問時說：「我好細個嗰陣爹哋就走咗，媽咪好辛苦湊大我哋三個，咁多年嚟身兼父職，所以我哋三個都好孝順媽咪。當然，仲要多謝我老婆同外母呢兩位媽咪，多謝外母賜我一個咁好嘅太太，亦好多謝太太賜我一個乖女Ella，同埋多謝太太幫我睇住屋企，等我可以專心喺外邊做嘢拍戲。」
至於一向出名孝順的楊千嬅昨日也與母親和家姑慶祝母親節，素顏及戴上眼鏡的千嬅，昨晚7時45分偕丁子高、母親、外婆和家姑抵達銅鑼灣世貿中心龍皇酒家開餐。自去年8月他倆在美國賭城秘密結婚後，千嬅是第一次以丁太身份過母親節，她表示：「你知啦，未結婚前我對住啲大時大節唔會咁留意，但結咗婚之後，有老公提醒就會知道大節日要同家長食飯，其實家奶奶同我媽咪、爹哋感情都好好，兩家人可以一齊過節，熱熱鬧鬧，真係幾開心。」
採訪：比華利、楊浩賢、朱志聰
攝影：羅德光、李志明