恭喜！恭喜！前英超勁旅但已沉淪到英甲競逐嘅列斯聯，終於喺前日英甲煞科戰日，於少踢一人嘅劣勢下，反勝到訪嘅布里斯托流浪2:1，成為英甲亞軍，同諾域治雙雙升上英冠。英國博彩公司有見及此，即刻開出列斯聯喺下屆成為英冠冠軍嘅賠率係13倍，而之後再回升英超嘅賠率，仲只係得4.5倍，都幾熱。至於另一支前英超球隊查爾頓成績都唔差，煞科戰勝奧咸後得聯賽第4，有機會藉踢升班附加賽而回升英冠o架！