繼《福佳始終有你》之後，博客林忌今次推《516愛情故事》短片谷公投。短片講述賤男十幾年前應承女友07/08年結婚，家吓又話不遲於2017年。片末播番唐唐講過07/08年港人可自行決定立法會全面直選嘅陳年舊片。各位市民，你仲信唔信呢位賤男？
短片對白精警，例如賤男講：「阿爺唔畀吖嘛，仲有班三姑六婆未有共識，同埋我隻狗呀，佢一聽我話結婚，佢就吠。」不過林忌後來發現短片條橋同民進黨批評國民黨隱瞞簽署ECFA（兩岸經濟合作架構協議）風險嘅宣傳片雷同，「邪到自己都唔信。唯一解釋：大家都受同一個騙徒欺騙。」佢呼籲市民拒絕騙徒，記得投票。