【本報訊】民主抗爭路走了又走，市民無懼汗水長流，只怕歲月蹉跎。史上首次公投就在眼前，80後青年何慇榮決定以雙腳走遍五區，提醒市民盡公民義務，為開創民主新局投下神聖一票。一個人，一次長征，以一腔熱血力抗政府及保皇黨的打壓冷待。
30歲環保顧問何慇榮，昨日從香港大學國殤之柱起步，展開一連八天的「從六四走到五一六」五區長征。他說行動靈感來自反高鐵青年苦行，「同朋友傾嗰陣有諗過絕食，但係之前嘅苦行畀咗個啟示我，我覺得要將呢種身體力行嘅信念薪火相傳落去。」
「從六四走到五一六」
從國殤之柱起步，只因這是一切的原點：從六四到今天，香港的民主進程一直停滯不前，「呢場民主長征，我哋已經走咗20年，5.16投票或者未必即刻改變到啲乜嘢，但係唔可以俾政府見到我哋對普選不聞不問。」
除了渡海以外，不乘搭任何交通工具、夜夜不歸家一個睡袋餐風宿露，何只求行遍選區每個票站，拿出大聲公提醒附近居民5.16這個投票重要日子，經過特首官邸，何慇榮不忘提醒曾蔭權記得投票。
今天他預計將由長沙灣出發，跨過山嶺走到沙田繼續發聲。
何慇榮說，家人及朋友均支持他的行動，但兩老始終擔心其個人安全，「其實佢哋都好支持公投，兩年前我加入社民連同民間電台做義工都一樣支持，不過佢哋擔心我行動太出位。」
若希望替何慇榮打氣，可留意Facebook專頁「從六四走到五一六」找出他的行蹤。