花旗股市上禮拜四出現不尋常急挫，原因係乜，家仲係得個估字，不過全球股市就被拖累，港股跌穿20000關收市，不過，花旗股市上日跌幅收窄，應該可以停住。
港股累積跌幅大，但技術上有反彈條件，只係人心虛怯，靠近阻力位相信壓力唔細。明日拍賣東涌地皮，成交價會理想，但係可能會較之前樂觀嘅預期略差。
安踏C輪20236：安踏（2020）上日報收13.2元，升1%。股價近日雖然隨大市跌，但係守穩50日線反彈，維持向好形態，上破14元睇15.2元，可以諗吓隻C輪20236，隻輪現價24.8仙，2011年1月11日到期，行使價12.88元，溢價16.36%，引伸波幅53.72%，有效槓桿率3.26倍，正股見15.2元，20236睇38.3仙，正股跌穿12.3元就沽咗隻輪。
俊樺