英格蘭領隊卡比路喺星期二先至公佈世盃初選30人名單，但路邊社消息已滿天飛，其中吹得最行嘅，係新任英格蘭隊長里奧費迪南（圖）如果持續受傷患困擾而未「弗」，就算入到30人名單，喺最終23人名單都會被飛；反而後防老將好似加歷查同埋京治，就有機會去南非。另外，目前炙手可熱嘅富咸前鋒森莫亞，雖然受足踝傷困擾，不過據悉都可以順利入選30人名單。不過，喺有人漏夜趕科場嘅同時，曼城左閘布歷治就堅持「有奸夫（泰利）就冇佢」嘅原則，已經book咗機位喺世界盃期間去美國玩。