八方之前報道過,市面湧現大量螢光橙底黑字嘅「V516」貼紙,似乎係為5.16公投造勢。呢壇嘢唔係公、社兩黨搞嘅,只係一班有心人私底下出錢出力嘅個人搞作,但效果相當惹人注目,唔少市民都向八方報料,話目擊貼紙蹤影,最誇張嘅係有部私家車貼滿「V516」貼紙,喺街上行走。八方唔識個車主,但好想知佢5.16之後點樣清理番部車。除咗呢部公投車,日前仲有人目擊喺尖沙嘴A出口貼滿V516貼紙,仲貼成V516構圖字樣,好鬼搶。八方前晚經過旺角行人專用區,都赫然發現一間間嘅斑馬線上面,貼滿貼紙。