上周美股錯盤事件疑點多多，一個咁成熟市場居然都會發生呢種事，當晚美股一度跌近千點，可以話係史上最搞嘢一次大跌！全世界股市差點被美股累死，睇睇所謂監管機構最後又查到乜結果？
今次大跌浪全球市場一起向下插，港股一向都係受外圍市況拖住走，家陣外面風大雨大，短期難言擺脫反覆難捉市況。霸王集團（1338）上市以來，一直不乏基金捧場，超過5%持股量者目前都有幾個，畢竟該公司的中藥洗頭水業務始終獲芬佬睇好，事關市場上同類股的確唔多。最近霸王宣佈推出凉茶系列產品，以擴闊公司收入來源，增強整體盈利。
霸王截至去年底止，盈利按年升29.2%至3.64億元人民幣，公司表明會從新產品結構中加價；計劃在廣州的新廠房第一期年內投產後，洗髮產品年產能將增加約最多20萬噸。該股上周五跌2.9%收報5.34元，走勢受制10日線阻力，並築起下降軌試底，可待股價回落至4.7元水平才吸納，策略放中線，獲利目標6元。
方星俠