王祖藍在扮嘢節目《荃加福祿壽》中化身美女帶挈收視高升，不過前晚錄影時祖藍和阮兆祥、李思捷均未有以索女造型出現，難免失色。嘉賓楊千嬅大讚祖藍扮女人維肖維妙，她笑言想扮黎姿，因渴望擁有愛美神身形。
汪明荃前晚和王祖藍、阮兆祥及李思捷在無綫將軍澳電視廣播城，錄影最新一集《荃加福祿壽》，自播出以來三位扮嘢高手頻頻扮索女演出，他們合演的環節《SatintheCity》更大受歡迎，帶挈收視上升，其中祖藍扮靚女維肖維妙應記一功。
祥仔扮尊尼狄普
前晚三子卻回復男兒身，只扮老人家及溫拿唱歌，明顯失色不少。祥仔更扮尊尼狄普（JohnnyDepp）在電影《愛麗絲夢遊仙境》（AliceinWonderland）的造型，既認真又神似。
擔任嘉賓的楊千嬅未有扮嘢演出，只和阿姐合唱《少女的祈禱》，問千嬅有否想過扮嘢演出？她說：「我扮嘢唔叻，只識扮聲打電話畀人，反而祖藍扮女人好靚，有啲人扮女人會好乞人憎，但佢唔會，佢係我心目中嘅香港小姐。」問她最想扮何人？她笑說：「我最想扮《珠光寶氣》嘅黎姿，因為佢身材勁，我未試過。」
陳偉霆赴美學舞
同場的陳偉霆扮郭富城大唱《唱這歌》，他直言有壓力，故事前綵排多次。稍後他到美國學舞，問他是否想以偶像米高積遜（MichaelJackson）為目標？他說：「MJ太遠，向城城進發，佢身形真係好弗，跳得做戲又得，真係好難o架！」陳偉霆自爆當年曾在《港姐》演出為城城伴舞，怎料在電視上卻全看不到他，令媽咪相當失望。
採訪：何慧斯 攝影：陳俊強