三色台最近請咗一鳴驚人嘅「瘦蜢蜢」嚟香港接受「小八」訪問，點知瘦猛猛狂耍大牌，激到三色台生蝦咁跳。
今次瘦蜢蜢嚟香港，機票食宿全部係三色台畀錢，瘦蜢蜢不但指明要坐頭等機位，連經理人同助手都要陪佢一齊坐頭等
食兩家茶禮
咁仲唔止，佢仲趁嚟香港嘅機會私下接咗一個客戶嘅收錢騷，佢為咗幫客戶造勢，竟然要三色台唔准發通告畀記者，又唔接受訪問，話要保持神秘感，其實就想將啲好嘢畀晒客戶，三色台當然唔肯做老襯，點知瘦蜢蜢嚟香港嗰日，竟然喺自己身上貼滿客戶嘅宣傳貼紙，變相要嚟接佢機嘅三色台焗住幫佢個客賣免費廣告。
Textby關仁